Eylemişim Şiiri - Sevinc Arzulu

Qapqara libası qəmin atına,
Geydirib yaraşıq çul eyləmişəm.
Baş vurub sevginin dərin qatına,
Möhnəti bir qara pul eyləmişəm.

Gecəni gözümlə sabah edərək,
Yaşadım ömrümü min ah edərək.
Deyəsən mən böyük günah edərək,
Qəlbini könlümə qul eyləmişəm.

Yazıram qüssəli söz əllərimlə,
Tuturam atəşin köz əllərimlə.
Həsrəti öldürüb öz əllərimlə,
Hicranı əbədi dul eyləmişəm.