Ela Pulim Ela Ela Şiiri - Mustafa Hoşoğlu

Ela Pulim Ela Ela

Panda sena erodo
Da raşiya da rdenda
Eğo pola rodimo
Yelağmena da donda

Ela pulim ela ela
Eniksane da fila
Da çiçeka royzino
Emiriksan da mila.

Ela pulim ela ela
Dağ losasim elodan
Da livas mi kleğune
İ xoriğmen enodan.

Ocirim ce imanam
Leğune ce kleğune
Ela ela do morom
Enodan as leğune.

Esi enespales mi?
Ne biname koriza
Modo xten da maliyas
Sa diya ne xoriza.

O ilo ce o fenko
E rodune esena
Din kardiyam mi klonis
Ela evre emena.

Ela pulim ela ela
Ola imeras kleğo
İ daklam apesam royz
Krifeta miroloğo.

Da matam ematodan
Alo poson nakleğo?
Ağu ndoso xoli en?
Uksero ndo naleğo.

Mustafa Hoşoğlu
02.03.2018