El bayatıları Şiiri - Sevinc Arzulu

Əzizim say düzümü,
Yox olsun vay düzümü.
Dərd danışmaq istədim,
Gizlətdi ay üzünü.

Əzizim dərdə sarı ,
Yol gedər dərdə sarı.
Adlayıb keçəmməzsən,
Ucadır dərd hasarı.

Əzizim, dərdə çapar,
Dərd olar dərdə çapar.
Namərdə söz göndərrəm,
Dönüb də mərdə çapar.

Su gələr arxa,neynim,
Aşıb da qalxa,neynim.
Səni də zalım fələk,
Möhtac ol xalxa, neynim.

Gecələr bəyaz olsun.
İstəməm ayaz olsun.
Birləşsin dost-qohumlar.
Xan Araz dayaz olsun.

Gün ötdü, ay dolandı,
Səhraya çay dolandı.
Rahat ol, dəli könlüm,
Haraya hay dolandı.