Dildara Min Şiiri - Mehmet Çobanoğlu

Bi xatirê şevên xweşik
Destpêka çîroka me de
Bi şadî û hêvîyan
Min bi dilekî germ
Evîna me tev kir û te re
Helbestek şand
Wek zozan û deştên
Welet ê me
Te nav de gul veda û bişîrî
Dilê min şa kir û rûyê min jî kenand

Şêrînê û çavreşa min
Şewên xweşik de
Ez û tû
Lêv û lêvan
Em hatin ba hev
Tu ketî paşila min
Xewê de sîha min ket
Ser lêmên te
Meşîyan
Heta ser singê û xemla canê te
Bilbila çeleng
Te bi stêrkan li min re maç şand
Min ji bo te gul û kulbik tev berhev kir

Dildara min tê bîra te
Gava min te re got can
Te jî min re got “heyran”
Bi wê demê şûn de
Tu berçavê min wek berbangan xuyan

Yara min
Bi her şevan
Min te re got
Hebûn
Jiyan
Azadî
Te min re got “Welat ê me pir şirîne”
Evîna min, te serê min da ser her çokên xwe
Min re bû şahî, bextewerî, ronahî û evîna dil

Dengê dilê min
Sewda min
Ez bibim gavan û şivanê te
Bibim qurbana welatê me
Min re stranekî bêje
Bila tê de war û welatê be
Bi govendê de
Awa ye ke Kurdîsta’ î ez û tu tim tev bileyzîn

21.05.2014
Stenbol