Çinar ömrü Şiiri - Sevinc Arzulu

Igid , mərd ər kimi dayandın postda,
Topuna nişangah seçirdin usta.
Mehriban, səmimi tanışdan-dostdan,
Təsəvvür etmədin kənar ömrünü.

Neçə il sən ayrı düşdün Vətəndən,
Sən oldun dar gündə haya yetən də.
Xatirə yazılıb olub-bitəndən,
Oxuyan min dastan sanar ömrünü.

Dostların həmişə adını anar,
Sənin yoxluğuna könüllər yanar.
Ikinci adın da gözəldi: Çinar,
Özün də yaşadın Çinar ömrünü.