Çalışma Şiiri - Sevinc Arzulu

ÇALIŞMA

Burax nifrəti, kini
Pis olmağa çalışma.
Içimdəki sevgini,
Öldürməyə çalışma.

Sənə məhəbbətimi.
Qəlbimdə dəfn edərəm.
Qaraltsan aləmimi,
Uzaqlaşıb gedərəm.

Nə gözün məni görməz,
Nə harayın yetişməz.
Əllərim çələng hörməz,
Qulaq nifrin eşitməz.

Gəlmə, könül qapısı
Tay-tay açıq olsa da.
Yox özəl bir tapusu,
Rəngi bir az solsa da.

Nə sən bunca uşaqlaş,
Nə də mən ana olum.
Ayrılıqdan uzaqlaş,
Yaxın gəlməsin ölüm...
20.12.2018.