Birtakım Müfretler Şiiri - Emin Rasih

Bîhûde dâne saçmak ile âsitânuna
Çeşm-i terüm bu 'aşkı hirâset mi zann ider

*

Mushaf-ı hatt-ı ruhun kim 'aşk ta'lîm itdirür
Leblerün her dem ferâğ-ı mâ-i Tesnîm itdirür

*

Her türlü şikârun bulunur lâşe-horânı
Hakkında musırr olmayanun hakkını yirler

*

Fersûdelenen gönlü şehâ eyleme âbâd
Âkil kişi gencîneyi vîraneye gizler

*

Hâce-i dehrün cefâ ta'lîmi efzûn-ter bana
Şükr kim Perverdigâr ihsân-ı sabr eyler bana

*

Ne kâm u mes'adet ne hıredden nasîbimüz
Etvârımuz fenâ sözimüz câhilânedür

*

Harîke virdi yedullâh gün remâd oldı
Anun şerâresidür manzarunda her ahter