Bi Xweş Hatî Şiiri - Zandar Amari

Bi xweş hatî ey cana min
Tu yî hilm û jiyana min
Badeya li meyxana min
Bêhna gûl û reyhana min.

Bi xweş hatî nav warê min
Bi geş hatî ser serê min
Laleşî'ya ber dilê min
Her li te ye rûberê min.

Pel û fêkî li darên min
Sivikî ya li barên min
Senahîya li karên min
Tu roşena bajarê min

Wateya li helbesta min
Dergûş û hem darbesta min
Li dû cîhan tu qesta min
Bi te hest û helwesta min.

Dilê'm Mem e tu Zîna min
Warê'm bihar tu bîna min
Hizir ax e tu şîna min
Germahiya li xwîna min.

Tu dermanê nav dilanî
Tu êşrakê tev derdanî
Tava rojê li te danî
Tu xemla Tor û Botanî

Bi ramanan tu zelalî
Mîna perîşt tu delalî
Tîrejeka ji kemalî
Ronî kirî wek şemalî.