Bêrîya Min Kûre Şiiri - Mehmet Çobanoğlu

Xewa tev şevan pir girane
Li min şilî, şepel, barane
Dilê min de kulek e zîze
Dîsa li min mij û morane

Pişt çîyan de gundekî dûre
Çi bikim bêrîya min kûre
Tûr û tûrikê min vala ye
Xîzanî li ser min kêr û şûre

Pişt wan çiyan de gundê me ye
War û wergehê kalkê me ye
Xerîbîyê de ez helîyam
Min re bextîyarî nema ye

Dora gundê me bala, berz e
Diyarê xelqê min re herz e
Tim pêxas mam rût û tazî
Ezê biçim gund ser min ferz e

12.06.2015
Stanbol