Bazar içinde Şiiri - Sevinc Arzulu

Qəmdən könül bağlar qubar,
Dərd ağarmaz, yağsa da qar.
Alıcı yox, satıcı var,
Bir böylə bazar içində.

Sevmək,dostum, böyük qüdrət,
Dözümlüdür saf məhəbbət.
Səni məhv ol, zalım həsrət,
Çapala azar içində.

Çəməndən gül dərib şəndim,
Yol itirən qərib, səndim.
Sənsiz yaman qəribsədim,
Qaldım intizar içində.

Bu nə səda, bu nə ündür,
Görüşümüz sanki dündür.
Vurnuxuram neçə gündür,
Gileynən güzar içində.

Aləm bizdən danışacaq,
Dərdimizlə tanışacaq.
Ruhlarımız qovuşacaq,
Təptəzə məzar içində.