Ay ismi-pünhan, necesen Şiiri - Sevinc A ...

Xəyalım hey aramada,
Tellərimi darama da.
Neynim, könül yarama da,
Tapmadım dərman, necəsən.

Ayrılıq aparır məhvə,
Gözün yummadı səhvə.
Deyən sən də düşdün əvfə,
Verildi fərman, necəsən.

Tufan keçdi gül düzündən,
Gecəsindən, gündüzündən.
Sənin günahın üzündən,
Pozuldu peyman, necəsən.

Xatirələr coşqun dəniz.
Hər dalğası saf və təmiz.
Bəlkə bir gün ğörüşək biz.
Yetişdi zaman, necəsən.

Duymadın eşq dadını da,
Sevindirdin yadını da.
Çəkəmmirəm adını da,
Ay ismi-pünhan. Necəsən.