Payız.Hava sərinləşir,
Itməyir ahu-zarın.
Günü-gündən dərinləşir,
Bitməyir intizarın.
Gecələri yatanı yox,
Süd gölündə batanı yox.
Alanı yox, satanı yox.
Bağlanıbdır bazarın.
Dağlar indi çənə qalıb,
Sarı sünbül dənə qalıb.
Deyən təkcə mənə qalıb,
Sənin giley-güzarın.
Həsrət gəlir şillə-şillə,
Hicran enir pillə-pillə.
Dərd söylərsən ağlar dillə,
Mənəm şair- yazarın.
Xatirələr axın-axın,
Rəngarəngdir.Yaxşı baxın.
Ölüm bir “Ah” qədər yaxın,
Qazılıbmı məzarın.
25.10.2021.
Sevinc Arzulu
Kayıt Tarihi : 29.10.2021 06:38:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!