Zelzele Şiiri - Sevinc Arzulu

Unutmursan olanları, keçənləri,
Haqq dünyasın özünə yurd seçənləri.
Bilirəm ki yatammırsan gecələri,
Ürəyində bir zəlzələ qorxusu var.

Günəş dağda gecələyir, ay limanda,
Min bir təlaş oxuyuram ay simanda.
Ana yerdə, ata göydə, asimanda,
Çəkilməyən rəngli barıt qoxusu var.

Ana Vətən iztirabın tək əlacı,
Qayıt geri, bitsin artıq ağrın-acın.
Görüşərik günün biri, əziz bacım,
Gözlərində min illərin yuxusu var.