Yormuşam ben Şiiri - Sevinc Arzulu

Eşitdim sübh azanını,
Gördüm payız xəzanını.
O dünyanın əzabını
Bu dünyada görmüşəm mən.

Bürcüm şirdir,ilim pələng,
Uyuşurlar.Gözəl ahəng.
Tellərimə əlvan çələng,
Bal röyada hörmüşəm mən.

Yel soldurdu gülzarımı,
Qarışdırdı güzarımı.
Itirdiyim ol yarımı,
Özgəsindən sormuşam mən.

Mən bir yaşı keçmiş xanım,
Nə istərsən məndən, canım.
Çətin ki yenidən yanım,
Kül altında qormuşam mən.

Öləziyir göz çırağım,
Xəzəl oldu söz yarpağım.
Yada qaldı öz torpağım,
Yolları çox yormuşam mən.