Yazmadı Şiiri - Sevinc Arzulu

Əzrail planı elə qurdu ki,
Sözünün üstündə elə durdu ki...
Sonunda möhürü elə vurdu ki,
Bir kəlmə qırmızı “Yaşa” yazmadı.

Gün-gündən quruyan gölümü gördüm,
Səhraya oxşayan çölümü gördüm.
Hayana baxdımsa ölümü gördüm,
Həyat karvanında başa yazmadı.

Ulduzlar bizsiz də göydə sayrışır,
Hərdən də ay ilə küsüb barışır.
Nakam sevgimizdən hamı danışır,
Fələk bəxtimizi qoşa yazmadı.

Ümidlə açıldı mənim sabahım,
Heç bəlli olmadı kimsəyə ahım.
Nələrə qadirdir uca Allahım,
Yəqin bildiyi var.Boşa yazmadı.

Bunca çəkdiyimiz görəsən azmı,
Bizi ayrı salan.De, jkeyfin sazmı.
Fələk adımızı səmaya yazmış,
Divara yazmadı, daşa yazmadı.