Xatireler xatirine Şiiri - Sevinc Arzulu

Olub -keçənləri anaq,
Ayrılıq oduna yanaq.
Nə olar ki daldalanaq,
Xatirələr çətirinə.

Demirəm ki hicran azsın,
Vüsala bir quyu qazsın.
Hərə bircə kəlmə yazsın,
Xartirələr sətirinə.

Gözlərimə çıraq ol sən.
Qəm-qüssədən iraq ol sən.
Dostum, bir gün qonaq ol sən,
Xatirələr fətirinə.

Hər tərəf al-əlvan çiçək,
Bir də zərif ağ kəpənək.
Ay əzizim, gəl bürünək,
Xatirələr ətirinə.

Daha bəsdir, göydən enək,
Od almayaq qəfil, sönək.
Bir anlığa geri dönək,
Xatirələr xatirinə.