Welat Şiiri - Mehmet Çobanoğlu

Antoloji.com mobil uygulaması Şiirler, şairler, mesajlarınız ve gruplarınız telefonunuzda. iPhone ve Android için ücretsiz. Uygulamayı İndirİndir
Mehmet Çobanoğlu
2793

ŞİİR


18

TAKİPÇİ

Welat

Tu rengê gulanî,germa nav dilanî
Welat tu warê gelê Kurdanî
Fîgan,fîxan û qêrîn ser te
Awaza bilbilan,qaza û qulungan
Dengê bilûran,kew û kewokan
Şaî,şîn û şewat jî li ser te.

Welatê me tu warê me axa me
Tu roja gelê me û gulên me
Keser û hesreta hemû dilan
Êşa me,jana me û jîyana me
Tu biranînên şehîdan
Hêzê şêr û lehengan
Dermanê hemû derdan.
Bişir û kenokên dîn û bêhişan
Evîna qîz û xortan û awirê zarokan

Şeva serê siban tu berbanga me
Dexes û hesûd jî li te pirin
Mij û moranî jî çîyên te
Tu ronahîya rojan û sêtirkên şevan
Tu vejîna bûrûskan û asoyê ezmanan
Sur û sar û seqem ê li nav payîzan
Gul û kulîlkê nav havînan..
Wele tu axa me Kurdîsdan'a me

Tu delala mala û evîna dilan
Tu xwîşk û xwang tu daîkê me,
Bûk û keç tu dapîrika me.
Xuşe xeşa xwînan li te
Kûre birîna dilê me
Zarî û zarîn li ser te
Dilê min jî xemgîne welat
Hebûna min qurbana te

Ez qubana navê te
Welat tu histêrê çavanî,
Birîna dilê gelanî
Li qasî çemê Erez
Dîcle,Firat û Murat
Wek pêlê baranan
Wek ava hemû beran û çeman
Xwîna şehîdan jî dikişe li ser te.

Ax û waxe ket dilê min
Şîne û şivane li girîne
Diherike xwîn li te!
Ez bimirim,em bêkes
Tu jî welatê me Kurdan
Tu diyarê bav û kalan…
Qers û Amed tu Riha û Muş
Dikişînîn derdê dilê me
Dîsa şere ax ser axa te
Xwe ragirin û berxwedane
Şêr,şepal û egidê me.

Welat
Tu refê qulung û werdekan
Betan û gur li wawîk û cîûkan
Qube,quba bilbilan
Kew,kevok û qumrîan...
Kale kala berx û karan
Lorîn lorînê dayîkan
Dengê ask û xezalan li tê te

Ez bimirim welat wax û wax
Ew sêvî û zarokên bê bav
Daîkên şehîdan kur û keçan
Pitikên dergûşan ê ketine ber bextê te
Dixwazin axa te û azadîya me

İro Serîhildana gelê me ye
Em Kurdên,em kedkar û gundîne
Em ketin ber gulan û topan
Diqêrîn em diqijîn û şere li me
Welatê me canê me ev çi hale

Şara serê keça û bûk û qîzîkan
Rengê te
Kesk û sor û zer li te.
Tu tûtûnî cixarên qelûnê kalemêran
Dumanê derdorê dev û lêvan
Ew diranên mircan û spî,sedef
Li sebra wan jî li te tê
Tu wek simbêlê reş û geş
Qeytanê ser lêvên xorta û ciwanan

Welatê me tu şirîn wek hingiv
Tu germî wek dilan û rojan
Şefq û şemal ê azadîyê
Tu xelat ê qîz û bûkan
Tu welat ê gelê Kurdan
Tu war ê şoreşvanan,
Wergehî bindestanan,
Şikeft ê ajalan,xezal û karxezalan
Tu pace,şibak û holikê peneberan
Çeper û mevzîyê şervanan
Pêşmerge û gerîlanan.
Tu yekbûna gelê cîhan
Biratîya heval û hogiran
Kurd û Tirk û Filan
Dîroka me hemû gelan,
Keda nav milê me xebatkaran
Karker û şervanan.
Tu konê koçeran,
Warê gavan û şivanan
Tu hêzê dilan û gelan
Mêr û mêrxas û egîdan
Tu Koçgîrî,Dêrsim û Agrî
Tu herema Gelîyê Zîlan
Tu devera çiyaê Cûdî û Qendîlê

Tu ew girtîgeha Amedê!
Li te ew serheldanê egîdan
Şer û dozê hemû lehangan
Serîhildana gelê Kurdan
Şoreşvan û rewşenbîran
Berxwedanê şoreşgeran
Dengê onder Îbrahîm li tê te
Boy têkoşîna Kurd'an û Tirka
Azadîya hemû gelan
Alast ew dîwarên zindanê te

Ez bimirim bo wan çiran
Çar şorerşgerên Kurdan
Kemal,Hayrî û Akîf yek jî Alî
Wan egidan û mêrxawasan
Bûn çirên bircê dilan û evînan
Ronahîya hemû çavan
Û azadîya gelê Kurdan

Azadîya te azadîya me oy welat
Em zanîn û tu jî zanî...
Tu welatekî xweş û şêrîn
Tu rengî û renga renk û gewez.
Mina gulên Newroz a me
Û kulîlkê ser çîyan
Ber çem,kanî û pal û newalan
Deşt û zozan û gelîyên li çiyan
Warê bav û kalan
Ez qurban û dil qurban
Welat û welat tu dil welat
Tu wlatê me Kurdan ax welat.

22.03.2007
Yıldırım

Mehmet Çobanoğlu
Kayıt Tarihi : 22.02.2008 13:31:00
Yıldız Yıldız Yıldız Yıldız Yıldız Şiiri Değerlendir
Yorumunuz 5 dakika içinde sitede görüntülenecektir.

Bu şiire henüz hiç kimse yorum yapmadı. İlk yorum yapan sen ol!