Uyğusunu men Şiiri - Sevinc Arzulu

Hələ sənsiyliyin göynəyir yeri,
Qəmli xatirələr çəkilmir geri.
Axı göz yaşından başqa nə verir,
Sevmədim ayrılıq duyğusunu mən.

Söyləmə məhəbbət bir əfsanədir,
Hicran nə, vüsal nə, ayrılıq nədir?
Sənli ümidlərim kiçik, körpədir,
De, necə çəkməyim qayğısını mən.

Xisləti tamahkar, qəlbi yavanlar,
O cahil insanlar eşqi nə anlar.
Əyləncə tək baxır bəzi cavanlar,
Görmürəm sevgiyə sayğısını mən.

Sizi sevməyənə etməyin nifrət,
Səhvini anlayıb qayıdar əlbət..
Eh, neçə müddədtir qalmışam həsrət ,
Yatmıram gecənin uyğusunu mən.
21.11.2017