Üç dost Şiiri - Sevinc Arzulu

Sil sükutun səsini,
Silə bilsən nə deyim.
Seyr et şah pərdəsini,
Gör əyninə nə geyib.
Geyindiyi tüldürsə,yanaqları qızarar
Əgər üzə güldüsə,
Sakitlikdən sozalar.
Sükut ilə sakitlik
Həmqafiyə deyil ki.
Sükut ilə dost olmaq
Sakitliyə
Eyib ki?
Hay-küyün acığına
Səssizlik də yan aldı.
Beləcə bu üçlükdən
Gözəl dostluq yarandı.
Çal-çağır dünyamızda,
Üç dost tutaydı qərar.
Çətin ki qanımızda
Bu üç dosta meyil var.