Titremedi Şiiri - Sevinc Arzulu

Gərək ilk kəlmədən başa düşəydin,
Bu sevda səninçün ölümmüş, adam.
Həsrətin ağrısı yaşa düşəydi,
Içində ikiyə bölünmüş adam.

Nə qanun bilirdin, nə də qadağa,
Aldadıb gəzirdin gözəlləri sən.
Bənzətdin özünü uca bir dağa,
Təhrif də edirdin qəzəlləri sən.

Məhəbbət sağ əllə qapımı döyür,
Sol əllə həsrəti verir qabağa.
Vüsal tənha qalıb gözünü döyür.
Içəri girməyə vardır qadağa.

Getdin məni qoydun dərdlə baş-başa,
Ayağın altında yer titrəmədi?
Uzaqdan baxaraq etdin tamaşa,
Qəlbimdə dediyim şer titrəmədi?!