Sonu ayrılıq Şiiri - Sevinc Arzulu

Kədəri, qüsəni soy gözlərindən,
Bu fani dünyadan doy gözlərində.
Mən öpüm doyunca qoy gözlərindən,
Onsuz da bu yolun sonu ayrılıq.

Sevgi aşiqlərçün deyil oyuncaq,
Məhəbbət sakitdir, vüsal utancaq,
Hicranın əyninə yaraşır ancaq,
Həsrətin bəmbəyaz donu ayrılıq.

Eh, doğru çıxmayır daha röya da,
Uzağa uçmayır mavi xülya da.
Elə gizlətmisən elə, dünyadan
Mən necə tapacam onu, ayrılıq?