Sevgi etirafı Şiiri - Sevinc Arzulu

Toxundum sarı simə,
Bənd imiş ki bir himə.
Yarəb, tapşırım kimə,
Qəlbi təmiz, safımı.

Ay dövlətim, ay varım,
Güngörməz bəyaz qarım.
Görən alagöz yarım,
Dinləyərmi lafımı?

Bağlanıbdı bənd-bərəm,
Hicrana sinə gərəm.
Əyildim, çiçək dərəm,
Gül sardı ətrafımı.

Gözünü süzdürmüsən,
Kədərdə üzdürmüsən.
O qədər bezdirmisən,
Kəsmisən insafımı.

Bir vax gör neynəyəcəm,
Kədəri əyləyəcəm.
Ruhuna eyləyəcəm,
Sevgi etirafımı