Ruhumuzun Esiriyik Şiiri - Seyraqif Coculu

RUHUMUZUN ƏSİRİYİK

Yavaş-yavaş işğal edir,
Ərəb bizim ruhumuzu.
Öz qınında pasladırıq,
Idrak adlı oxumuzu.

Belə getsə ağlımızın,
Kəsəri də kütlışəcək.
Mental-mental düşüncələr,
Tabulaşıb bütləşəcək.

Baxa-baxa arxamıza,
Yük olacaq zaman bizə.
Qaranlıqlar çökəcəkdir,
Gələcəkdə ömrümüzə.

Qara-qara pərdələrin,
Arxasında çökəcəyik.
Insanlığın qəm yükünü,
Ağır-ağır çəkəcəyik.

Sərsəmləyir ağlım mənim,
Yox-yox belə olmayacaq.
Millətim öz nəsibini
Qaranlıqdan almayacaq.

Üfüqlərin arxasından,
Aydın günəş çıxacaqdır.
Insan oğlu gələcəyə,
Ümidlərlə baxacaqdır.

Qara-qara pərdələri,
Gözümüzdən sökəcəyik.
Gələcəyin tablosunu,
Al şəfəqlə çəkəcəyik.

Ruhumuzun əsiriyik,
Bir gün azad olacağıq.
Biz qurucu millət kimi,
Tarixlərdə qalacağıq.