Xəyalım bir yerdə tutmayır qərar,
Sərgərdan küləklər hey qovur məni.
Söyləmə,şənlikdə qalmağa nə var,
Həzin nəğmə çalan ney qovur məni.
Ümidim ağappaq səmənd olsa da,
Fikrim günəş rəngli dəmənd olsa da,
Ahım asimana bülənd olsada,
Saxlaya bilməyir göy,qovur məni.
Qəm məskən salmışdır qara çadırda,
Ədası,işvəsi göz aldadır da.
Içmək istəmirəm,zəhər dadır da
Tale əldə şərab,mey qovur məni.
Kayıt Tarihi : 20.6.2018 15:53:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!