Qış qışlayacaq Şiiri - Sevinc Arzulu

Həyat al gülləri dayaz əkəcək,
Üstünə əlini ayaz çəkəcək.
Üzümə -gözümə payız çökəcək,
Qəlbimdə əbədi qış qışlayacaq.

Ürəyim yuxadan nazik olacaq,
Bir azca ovulub əzik olacaq.
Qiyməti bilinməz üzük olacam,
Təbiət zərgər tək qaş qaşlayacaq.

Lal klönlüm dərd-qəmə əcəb nişangah,
Olanlar –ötənlər muğamat, Segah.
Bu dünya əzəldən güllü seyrangah,
Mələklər ov edib quş quşlayacaq.
28.03.2013