Qayıtmısan Şiiri - Sevinc Arzulu

Dediyini etmisən,
Muradına yetmisən.
Bahar təkin getmisən,
Qış olub qayıtmısan.

Göydən yerə mar yağa,
Şaxta düşə, qar yağa.
Quzğuna və qarğaya,
Nuş olub qayıtmısan.

Suyla dolu sənəkdin,
Zarafatdın, hənəkdin.
Zər xallı kəpənəkdin,
Quş olub qayıtmısan.

Uçulmaz imarətdin,
Qaçılmaz ibadətdin.
Qum-gildən ibarətdin,
Daş olub qayıtmısan.

Faydasız sözlərim də,
Alışmaz közlərim də.
Alaca gözlərimdə,
Yaş olub qayıtmısan.