Qarşıla Şiiri - Sevinc Arzulu

Dünəndə qalmışam,sabah da göndər,
Dumanım azalıb,sən ah da göndər.
Nə olar,azacıq günah da göndər,
Qoy yığım başına savablarımı.

Şairə əlçatmaz xəyal verirsən,
Sevgini çəkilməz məlal verirsən.
Elə hey dolaşıq sual verirsən,
Di eşit labirint cavablarımı.

Həsrət,farağat dur,burulub puçun,
Özün də bilirsən ağırdır suçun,
Yaman darıxırdın vüsalım üçün,
Qarşıla ayrılıq cənablarını.