Ölümden beter Şiiri - Sevinc Arzulu

Küsülü baxışlar gözümə axmır,
Kürsülü naxışlar közümə çaxmır.
Gursulu yağışlar sözümə baxmır,
Beləcə yaşamaq ölümdən betər.

Səndən mənə yalnız kədər qalsa da,
Könlümü boz duman əsir alsa da,
Içimdə qış-boran yuva salsa da,
Masmavi çiçəklər çölümdə ötər.

Həsrətin daşını uzaq atarıq,
Hicransız qayğısız, azad yatarıq.
Başımın üstündə durna qatarı,
Yaralı xəyallar gölümdə itər.