Öle bilmedim Şiiri - Sevinc Arzulu

Təbiət qarşılar yağışla məni,
Buludun göz yaşın silə bilmədim.
Bağışla,əzizim,bağışla məni,
Vaxtında qədrini bilə bilmədim.

Sən kimə tarşırdın taleyi kəmi,
Yamanca tez gəldi ayrılıq dəmi.
Sevinci,fərəhi,kədəri,qəmi,
Heyf ki,səninlə bölə bilmədim.

Yüz mə`na anladım bircə sözündə,
Qəm yuva salmışdı qara gözündə.
Işığı azalmış bu yer üzündə,
Sənin əvəzinə ölə bilmədim.