O gözler Şiiri - Sevinc Arzulu

Bu dünyanın alğışları əbədi,
Üzü dönsə qarğışları əbədi.
Gözyaşı tək yağışları əbədi,
Bu dünyanın üz qabığı soyulmur.

O gözlərın ağalamış, yenə nəmmi,
O gözləri ağladan yenə mənmi.
O gözlərdə oxunan dərdmi, qəmmi.
O gözləri incidən göz oyulmur.

O gözlərin dediyini duymadım,
O gözlərdə göz yaşımı yumadım.
O gözlərdən başqasına uymadım,
O gözlərin əzabından doyulmur.