Narin kızım Şiiri - Sevinc Arzulu

Sevimli ol, əziz ol,
Dalğalanan dəniz ol.
Bəyaz gül tək təmiz ol,
Zirvədə qarım, qızım.
Ay mənim Narin qızım.

Sən yaşamaq qüdrətim,
Tanrıdan əmanətim.
Azaılmayan sərvətim,
Dövlətim, varım qızım.
Ay mənim Narin qızım.

Cici paltar alınar,
İpək yorğan salınar.
Sənin üçün çalınar,
Kamanım, tarım qızım.
Ay mənim Narin qızım.

Meh astaca toxuna,
Qəlb sözlərim oxuna.
Doya bilməm qoxuna,
Ətirli barım, qızım.
Ay mənim Narin qızım.

Qurban gözəl baxışa,
Layiqdir min alqışa.
Boylanıb bax yağışa,
Damlası narın, qızım.
Ay mənim Narin qızım.