Naat 1 Şiiri - Neccazade Şeyh Rıza

Hayâlin nûr-ı mihr-i enverimdir yâ Resûlallah
Cemâlin mâh’ı Ruşen ahterimdir yâ Resûlallah

Yüzüm fersûde-i hâk-i der-i ehl-i keramettir
Gürûh-ı evliya tâc-ı serimdir yâ Resûlallah

Ebû Bekr ü Ömer Osman ü Hayder cümle-i ashâb
Serîr-i sadr-ı dilde rehberimdir yâ Resûlallah

Ararken kenz-i dil’de bir acep kân-ı vefâ buldum
Hüseyn ile Hasan gevherlerimdir yâ Resûlallah

Senin abdal ü evlâdın muhibb-i âl ü evlâdın
Rızâ bağında verd-i ahmerimdir yâ Resûlallah