Merde kimi Şiiri - Sevinc Arzulu

Göz yaşın sel təkin tökəmmirəm ki,
Hicranın önündə çökəmmirəm ki.
Ilməsin birbəbir sökəmmirəm ki.
Xatirən önümdə ağ pərdə kimi.

Məhəbbət qeydimə qalır,aparır,
Ağlımı başımdan çalır, aparır.
Xəyallar qoynuna alır,aparır,
Gözlərim yol çəkir lap dərdə kimi.

Olmaz ki sərgərdan, avara, veyil
Ancaq xoş əmələ salacaq meyl.
Düşmənin önündə əyilən deyil,
Tapşırdın,İlahi, sən mərdə kimi...