Men ve sen Şiiri - Sevinc Arzulu

Başdan başa toz səhra,
Yazdığını poz, səhra.
Sən yağışsız boz səhra,
Mən dumanlı şəhərəm.

Heç bilmirəm necə sən,
Andı saydın heçə sən.
Sən qaranlıq gecəsən,
Mən aydınlıq səhərəm.

Çox əyri seçimdəsən,
Dərd ilə biçindəsən.
Sən palcıq içindəsən,
Mən əlçatmaz bəhərəm.

Nə olar ki çağlasan,
Dərdin yolun bağlasan.
Ömür boyu ağlasan,
Mən udumluq qəhərəm.

Bir kimsəyə etmə lağ,
Üzün olsun daim ağ.
Sən həmişə keyfi çağ,
Mən, neynim, birtəhərəm.