Maraqmış Şiiri - Sevinc Arzulu

Gəlib çatdıq sonunaca, nəhayət,
Bizə xoş gün bəxş etmədi məhəbbət.
Budur məni üzən acı həqiqət,
Gözdən uzaq könüldən də iraqmış.

Zalım dünya sənsiz dardır. əzizim.
Zalım edən namərd xardır, əzizim.
Təkcə mənim imzam vardır, əzizim
Sənin könül dəftərin ağ varaqmış.

Yerini de, hardasan haqq aşığı,
Səndin elin igidi,yaraşığı.
Azca düşər gecə ayın işığı,
Günəş gündüz yer üzünə çıraqmış.

Ağlamaz ki, görməmişəm dərdi nəm,
Bilirəm ki sağalmayan dərdinəm.
Əl çəkməz ki yaxamızdan dərdi-qəm,
Vüsal hissi ayrılığa yarağmış.

Görən qartal zirvələrdən küsdümü,
Çəmən yenə gözəldimi,süsdümü.
Dağa-daşa salma mənim hissimi,
Ay əzizim, bu sadəcə maraqmış.