Li Me Xema Sed Salane

Ji wan gundan ji wan malan
Ji kezeban, bi wan dilan
Ji hêvîyan ji xeyalan
Diştek nema me talane

Cerd û êrîş bi xopane
Êş û şewata dilane
Ma ne heyfa me Kurdane
Wer, wargehê me nemane

Li me xema sed salane
Birînên me bi gulane
Av û zadê me rêjandin
Ev şerekî pir girane

Qêrîna kalan, pîrane
Bi zarokan û jinane
Jiyana gel herimandin
Bi gundan de kes nemane

Di gundan de mij, dûmane
War, wargehê me nemane
Rojhilat û rojava de
Ne pire ne jî rê mane

Mehmet Çobanoglu
16.01.2020
Stanbol