Lengimir Şiiri - Sevinc Arzulu

Nə könlümdə həyəcan,
Nə əlimdə oraq var.
Xatirələr yarıcan,
Öləziyən çıraq var.

O çırağımn işığı,
Dibə kölgə salmayır.
Bir vaxt el yaraşığı,
İndi canlar almayır.

Bu nə qərinbə işdir,
Nə qəribə təsadüf.
Bəlkə sevmək vərdişdir,
Bəlkə də...Çox təəssüf.

Ağlılın dediyini,
Bəzən ürək etməyir.
Gör hicrin etdiyini,
Vüsal dada yetməyir.

Bəlkə yetə bilməyir,
Qarşısında divar var.
O divarı aşmağa,
Yoxdur əldə ixtiyar.

Duyğuların oyunu,
Heç zaman bitməyəcək.
Gözümün qabağından.
Surətin getməyəcək.

İçində olduğundan,
Hadisələr səngimir.
Buludlar dolduğundan,
Yağış tökür,ləngimir.