Köçmüşüm ben Şiiri - Sevinc Arzulu

Zamanın ənənəsi,
Olacaq təntənəsi.
Sahildə qum dənəsi,
Şor sudan içmişəm mən.

Qatlama sən varağı,
Yoxmu şerə marağın.
İzin üstdən alağı,
Oraqla biçmişəm mən.

Qar bürüyüb kolumu,
Qönçə ilə dolumu.
İlahi, haqq yolumu,
Arayıb seçmişəm mən.

Ara bircə qarışdır,
Yollar mənə tanışdır.
Məramım sülh, barışdır,
Yüz dəfə keçmişəm mən.

Düşdüm qara sevdaya,
Qapıldım boş xülyaya.
Deyəsən o dünyaya,
Əbədi köçmüşəm mən.