Kim alacaq qadamı Şiiri - Sevinc Arzulu

Xar ilə qucaqlaşdın,
Soyudun, sazaqlaşdın.
Getdikcə uzaqlaşdın,
Məni satdın yadamı.

Nədir yalanın,doğrun,
Baxırsan gizlin, oğrun.
Bunca çəkdiyim ağrı,
Acım getdi badamı.

Qəlbə bəstə düşəndə,
Çiçək dəstə düşəndə.
Bimar, xəstə düşəndə,
Kim alacaq qadamı.

Günlər gec ötüşəndə,
Dərd qəmlə öpüşəndə.
Çətinliyə düşəndə,
Yetişərsən dadamı?

Çox qorxuram dardasan,
Borandasan, qardasan.
Söylə, söylə hardasan,
Xəyalımın adamı.