İtir meni Şiiri - Sevinc Arzulu

Arzusun çox o qızın,
Qəlbən tənha, yalqızın.
Gözləyər dan ulduzum,
Vüsala yetir məni.

Zülmətə nur saçıram,
Sənə könül açıram.
Kəpənəyəm, uçuram
Çiçək tək bitir məni.

Yaramı qanatmısan,
Dərdləri sanatmısan.
Sevgidən yaratmısan,
Sevdada itir məni.

Nədən tez düşür axşam,
Yandırammıram ağ şam.
Səninçün darıxmışam,
Yanına götür məni.

Tək sənsən mənə həmdəm,
Ayrılma gözü nəmdən.
Bu kədərdən bu qəmdən,
İlahi, ötür məni.