İlahiden iltimas Şiiri - Sevinc Arzulu

Alaca qarğanı sona bilərlər,
Buz qardan daş heykəl yona bilərlər.
Qışln soyuğunda dona bilərlər,
İlahi, kimsənin evini yıxma.

Əsl insanların üzünü görüm,
Doğrusunu görüm, düzünü görüm.
Nə olar, bir dəfə üzünü görüm,
İlahi, bu qədər yüksəyə çıxma.

Özümü görərəm güzgü-naxışda.
Soyuqdan donaram buzlu baxışda.
Mən batlb qalaram duzlu yağışda,
İlahi, gözünün qorasın sıxma.

Qocaldıq, qalmadı yarı canımız,
Ürəkdə qalıbdır arzu-kamımız.
Günahkar bəndəyik, billəm. hamımız
İlahi, bizləri yandırıb yaxma.

Bu fani dünyada bərabərin yox,
Billəm mərhəmətli və adilsən çox .
Yüz nəfər ac yatar, on nəfərsə tox,
İlahi, bizlərə qəzəblə baxma.