Elə bildim naşı olar,
Lal qayamın daşı olar.
Gözlərimin yaşı olar,
Hardan əsir qəm küləyi.
Könlüm başı sızıldayar
Damcı düşsə cızıldayar.
Yeni nəğmə mızıldayar,
Hardan əsir qəm küləyi.
Sanırdım bir qərib gəlib,
Qanadını gərib gəlib.
Dərd dünyasın görüb gəlib,
Hardan əsir qəm küləyi.
Sözlərindən duz tökülməz,
Yalanından düz tökülməz.
Qaraqabaq, üzügülməz
Hardan əsir qəm küləyi.
Günəşinin köksü qara,
Güləşinin rəqsi qara.
Atəşinin əksi qara,
Hardan əsir qəm küləyi.
Kayıt Tarihi : 8.4.2025 08:25:00
Şiiri Değerlendir
© Bu şiirin her türlü telif hakkı şairin kendisine ve / veya temsilcilerine aittir.
Bu şiire henüz hiç kimse yorum yapmadı. İlk yorum yapan sen ol!