Günaydın Şiiri - Sevinc Arzulu

Gəldiyin yolları pusdum,
Sən danışdın, mənsə susdum.
İlahidən, əziz dostum,
Ən qiymətli, gözəl paydın.
Günaydın.

Sildin kədərinin çoxunu,
Al-əlvan çələng toxudun.
Elə ürəkdən oxudun,
Səsini aləmə yaydın.
Günaydın.

Həyat baha, deyil ucuz,
Uduzanda dosta uduz.
Hamı üçün sadə ulduz,
Mənim üçün Günəş,Aydın.
Günaydın.

Qulağa xoş gəlir avaz,
Üşütməyir şaxta-ayaz.
Mən sakitcə axan Araz,
Sən Kür kimi coşan caydın.
Günaydın.