Gül-i Hamrâ Şiiri - Urfalı Mehmed Şevket

Ey bâd-ı sabâ ol gül-i hamrâ haberin ver
Bir şûh-i cihan dilber-i ra’nâ haberin ver

Bîmar-ı gama hâk-i reh-i yârı şifâ kıl
Lûtf eyle bana kamet-i vâlâ haberin ver

Peygûl-i firkatde yeter nâleler etdin
Ya’kûb-i dile Yusuf-i zîbâ haberin ver

Biz muntazır-ı câm-ı ferah-nâk-i sabûhuz
Ey sakî-i can câm-ı ferahzâ haberin ver

Bir ehl-i dile mahrem olup kesb-i kemal et
Şevket bana bir ârif-i yektâ haberin ver.