Gezirsenmisevdiyim Şiiri - Sevinc Arzulu

Sevdiyini gec tanıma,
Başqasını heç tanıma.
Həsrətimə, hicranıma
Dözürsənmi sevdiyim.

Ayrılığın boz ayında,
Gün yandıran yaz-yayında,
Həsrətin qara çayında,
Üzürsənmi sevdiyim.

Arzularım yanar köz-köz,
Yaralarım olar göz-göz.
Yenə kəlamları söz-söz,
Düzürsənmi sevdiyim.

Həqiqətin döz önündə,
Məhəbbətin öz önündə.
Rəsmlərim göz önündə,
Süzürsənmi sevdiyim.

Azadlığın qədrin bil də,
Tənhalıqdan çaşar dil də.
Məndən ayrı doğma eldə,
Gəzirsənmi sevdiyim.