Gelib gedecek Şiiri - Sevinc Arzulu

Yenə nədən mənlə öc düşür günlər,
Zalım əğyar ilə öpüşür günlər.
Demə ki çox yavaş ötüşür günlər,
Papağın fırlat da,gəlib gedəcək.

Ah da çəkəmmirəm nəfəs dolusu,
Ürəyim buluddur,içi dolu su.
Elə güclü yağar həsrət dolusu,
Damını qırlat da dəlib gedəcək.

Tək məni ov seçər möhnətin gözü,
Tikanla örtülü nifrətin düzü.
Soyuqdan göyərmiş həsrətin üzü,
Min bir yol nurlat da ölüb gedəcək.