Gedim Şiiri - Sevinc Arzulu

Ayrılığa dözmüşəm ki,
Yalanını sezmişəm ki.
Yer üzündən bezmişəm ki,
Göy üzünü çəkim, gedim.

Qarşılaram sübh danımı,
Pak saxlaram vicdanımı.
Izn verin fidanımı,
Torpağaca əkim, gedim.

Kim inciyər gözəl dostdan,
Şəninə dediyi tostdan.
Nə bağ qalıb, nə də bostan,
Saralıbdır ləkim, gedim.

Vəfadar olmaz yar kimi,
Düşmən olmaz əğyar kimi.
Göyə qalxaram şar kimi,
Azalıbdır çəkim, gedim.

Ürək artıq kədərdən tox,
Dayanmadan sıxılır çox.
Ayrılığın çarəsi yox,
Dərman tapmaz həkim, gedim.