Ena Emorfo Koriz Şiiri - Mustafa Hoşoğlu

Ena Emorfo Koriz

Ena emorfo koriz
Elebime hohoriz
Enben so matim apes
Din karthiyam kokoriz

Esena kala tero
Stecis omon vutero
Elebise do matim
Erde sostomam nero

Ekaçame so trabeç
Xularizum do ğala
Ela plaso so şerim
As pame ğalağala

So barxari sor thomo
Do kuvarim eliye
Ena emorfo koriz
Si ğulam ediliye

E manamo puyise?
Esena kley do moros
Pola xrona u citha
Ne nihta ne imeros

Epira xeno koriz
E kofothan do tiyam
Ethavane da xronam
Epiye i fodiyam

Mustafa Hoşoğlu
20.02.2018