Dolaşır xatireler Şiiri - Sevinc Arzulu

Bu dünyanı ağ görür,
Eh, hamını sağ görür.
Dərə keçir, dağ görür,
Yol aşır xatirələr.

Əzizdir hər anıyla,
Acı, şirin tamıyla.
Məni sevmir, hamıyla
Yollaşır xatirələr.

Xəbər gətirir dündən,
Xoş sədadan, bəd ündən.
Qocaldıqca gün-gündən,
Bollaşır xatirələr.

İncisiylə, dürrüylə,
Minbir gizlin sirriylə.
Həmişə bir-biriylə,
Dalaşır xatirələr.

Fəth edib ucaları,
Bölübdür hecaları.
Könlümün küçələrin,
Dolaşır xatirələr.