Daş setirinden Şiiri - Sevinc Arzulu

Qiybətcil dodaqlar büzülməsin ki,
Ürəyim əzabdan üzülməsin ki,
De, necə al rəngdə süzülməsin ki,
Göz yaşım sevginin yaş çətirindən.

Nanəcib ayrılıq tərk edilibdir,
Sarsılmaz gücünə şəkk edilibdir,
Qayanın üstünə həkk edilibdir,
Kəlamlar oxuyaq daş sətirindən.

Qaraya çevrilməz könül ağımız,
Torpağa qarışar həsrət dağımız.
Necə gül açıbdır sevgi bağımız,
Dünyaya səpəydik kaş ətirindən.
25.01.2019